تويا

تويا - أشرف العشماوي

في معرض الكتاب في الاسكندرية, رأيت رواية تويا.

شدني غلافها الجميل والكلمات في اعلي الغلاف

"القائمة الطويلة لجائزة البوكر"

فاشتريتها..وندمت.

الشخصية الرئيسية يوسف الذي يلهو ويسهر للصبح مع اصدقائة, يشرب ويرقص, ينتقل من صديقة لاخري... ومع كل كدة, خلص كلية الطب بتفوق. ازاي؟ معرفش

ودة مكتوب في الصفحة الثانية واللي قفلني من الرواية من اولها واعطاني احساس انها هتكون مملة.

وللأسف لم يخب ظني.

نا عندما قررت شراء الرواية دي كان لسببين; اهتمامي بموضوع افريقيا وعن تجارة الاعضاء البشرية. للاسف, المعلومات غير عميقة, لم استفد منها بشئ.

اما بالنسبة الي "الرومانسية" فدي بالذات اللي شلتني من الرواية وقوع شاب مصري الاصل انجليزي الجنسية سافر الي كينيا ليجد علاج لمرض الجزام فيقع في حب فتاة من قبيلة الكيكيويو ( دة انا ضحكت ضحك علي الاسم دة) كان غير مقنع تماما.

مش علشان الاختلافات ما بينهم لكن لاني لا اؤمن بفكرة "الحب من اول النظرة" وبكرها لما الاقيها في اي فيلم او رواية, ودة اللي حصل بالضبط.دة غير انة كان واعد واحدة انة هيخطبها لما يرجع بس اول لما شاف تويا نسي كل دة وانجب منها طفل غير شرعي!

من الاخر رواية مخيبة للامل, تقليدية, احداثها متوقعة وغير منطقية وحتي نهايتها متوقعة, فيلم عربي شوفتة مليون مرة

.نص نجمة لاني وبالرغم من كل شئ حبيت فكرة الرواية ونص نجمة لاسلوب الكتابة

اذا تغاضينا عن كمية ادوات التعجب اللي مالهاش اي ستين لازمة

ملاحظة اخيرة:

اذا كان المرض الذي يعالجة يوسف بينتقل باللمس.. فكيف لم يصاب اهل القبيلة كلهم بة ومن بينهم تويا التي كانت تصطحب المصابين الي مقر الارسالية بنفسها؟